Сайтка кириу

Пайдалы дереклер


РАЙОН ҲӘКИМИ КУБОГЫ ӨТКЕРИЛДИ

Өзбекстан Республикасы Президентиниң 2020-жыл 30-октябрь күнги «Саламат турмыс тәризин кең ен жайдырыў ҳәм ғалабалық спортты жәнеде раўажландырыў ис-илажлары ҳаққында»ғы ПП-6099-санлы Пәрманының орынланыўын тәмийинлеў мақсетинде район аймағындағы мәкеме, кәрхана ҳәм шөлкемлерде ислеўши қәнигелер арасында спорттың «Киши футбол» түринен «Ҳәким кубогы» ушын жарыс болып өтти. Жарысқа районнан он алты команда қатнасып, өз-ара кескин беллести ҳəм жарыс жеңимпазлары анықланды. Жарыс жуўмағында район ҳəкими жеңимпаз командаларды қолға киргизген жетискенлери менен қызғын қутлықлап, жаслар арасында спортты еледе кеңнен ен жайдырыў ҳəм саламат турмыс тəризин қəлиплестириў бойынша өз пикир усынысларын билдирди. Буннан соң жеңимпазлар район ҳəкимлигиниң ҳүрмет жарлықлары ҳəм қымбат баҳалы саўғалары менен сыйлықланды.