Сайтка кириу

Пайдалы дереклер


РЕЗЕРВТЕГИ ƏСКЕРЛЕР ХОШАМЕТЛЕНДИ

Қараөзек районы аймағында ишимлик суўы қыйын болған аймақлардағы халықтың турмыс шараятын жақсылаў ҳәм сол жерлерде шарўашылықты раўажландырыў мақсетинде район аймағындағы 8 аўыл пуқаралар жыйынларында жәми 34 орында артезиан қудықларын қазыў режелестирилген еди. Өзбекстан Республикасы Айрықша жағдайлар министрлиги басшылығында «Ўзбекгидрогеология» МУК қатнасында сентябрь айынан баслап қазыў жумысларының алып барылыўы нәтийжесинде район аймағында бир қанша орынлардан артезиан қудықларын қазыўға ерисилди. 2020-жыл 26-ноябрь күни Айрықша жағдайлар министрлиги ҳəм район ҳəкимлиги менен биргеликте қазыў жумысларына үлес қосқан резервтеги əскерлер ушын байрам илажы шөлкемлестирилди. Онда Қарақалпақстан Республикасы Министрлер Кеңеси Баслығының биринши орынбасары Ж.Казбеков, район ҳəкими У.Утамбетов ҳəм басқалар шығып сөйлеп, қазыў жумысларына белсене қатнасқанларға миннетдаршылық билдирди. Илаж соңында əскерий хызметкерлерге район ҳəкимлигиниң ҳүрмет жарлықлары менен баҳалы саўғалары тапсырылды. Байрам илажы районлық мəденият бөлиминиң йошлы концерт бағдарламалары менен даўам етти.