Сайтка кириу

Пайдалы дереклер


ДЕПУТАТЛАР УШЫРАСЫЎ ӨТКЕРДИ

Бүгин район ҳəкиминиң басшылығында Өзбекстан Республикасы Олий Мажилис Сенат ағзасы, Қарақалпақстан Республикасы Кәсиплик аўқамлар бирлеспеси федерациясы баслығы Улуғбек Жалменов, Қарақалпақстан Республикасы Жоқарғы Кеңеси депутаты, Қарақалпақ аймақлық электр тармақлары кәрханасы акционерлик жәмийети бас директоры Зинатдин Керимзатов ҳəм Қарақалпақстан Республикасы Министрлер Кеңеси Баслығының Экология ҳәм Арал бойы аймағын раўажландырыў мәселелери бойынша орынбасары Жусипбек Казбеков, Халық депутатлары Қараөзек районлық Кеңеси депутатлары, район ҳәкими орынбасарлары ҳəмде ғалаба хабар қураллары ўəкиллери қатнасында мəжилис болып өтти. Мəжилисте Өзбекстан Республикасы Президентиниң 2020-жыл 11-ноябрь күнги “2020-2023-жылларда Қарақалпақстан Республикасын комплекс социал-экономикалық раўажландырыў ис-илажлары ҳаққында”ғы ПҚ-4889-санлы қарарының орынланыўын тәмийинлеў мəселелери қаралды. Мəжилисте щығып сөйлеўшилер районда бүгинги күнде қарар бойынша исленип атырған ис-илажлар санаатты раўажландырыў, капитал қурылыс, коммуникациялар ҳәм комунал хожалығы мәселелери Қараөзек районы раўажланыўы ушын қаратылған инвестициялық жойбарлар ҳəм социал-экономикалық раўажланыўы ушын әҳмийетке ийе болған усынысларды билдирди. Мəжилис депутатлардың сораў жуўаплары менен даўам етти.