Сайтка кириу

Пайдалы дереклер


Субсидия бойынша улыўма түсиник

Өзбекстан Республикасы Министрлер Кабинетиниң 2020-жыл 25-март күнги   «Үй-жай сатып алыў ушын пуқараларға субсидия төлеў тәртиби ҳаққында»ғы       182-санлы қарары бойынша дәраматы жоқары болмаған ҳәм үй-жай шараятларын жақсылаўға мүтәж болған пуқараларға субсидиялар бериў жолға қойылды. 

Субсидия деген не? – Субсидия мәмлекет тәрепинен пуқараға ипотека кредитке турақ жай сатып алыўы ушын басланғыш төлеми яки процентлериниң бир бөлегин қаплаў ушын берилетуғын пул. Ол қайтарып алынбайды.

Субсидия берилетуғын жайлар менен «арзанластырылған турақ жай»дың қандай парқы бар? — Субсидия базар баҳасындағы турақ жайға бериледи, ал бурыннан берилип киятырған арзанластырылған турақ жайлар жасаў жериңиздеги ҳәкимликлер тәрепинен дүзилетуғын дизим бойынша белгиленген баҳаларда ажыратылады. Субсидия алыў ушын арзаны Мәмлекетлик хызметлер орайлары ямаса my.gov.uz порталы арқалы электрон түрде бериў мүмкин.

Субсидия алыў ушын арзалар жылдың 1-мартынан 1-октябрь күнине шекем қабыл етиледи. Субсидия кимлерге бериледи? — Турақ жай шараятын жақсылаўға мүтәж болған шаңарақларға, аўыр социаллық жағдайға түсип қалған ҳаял-қызларға, мәмлекеттиң социаллық турмысында белсендилик көрсетип атырған жаслар ҳәм усы категориядағы басқа 18 жасқа толған Өзбекстан пуқараларына бериледи. Егер пуқара мийнет мигранты болып сырт елде жумыс ислеп атырған болса, оның шаңарақ ағзалары мүрәжат етсе болады.

Субсидия алатуғын пуқара қалай анықланады? — Буны арнаўлы комиссия, арза бериўшиниң жыйнаған баллына қарап анықлайды. Яғный субсидия бериў дизимде ең көп балл алғанлардан басланады ҳәм белгиленген квота шеңберинде ажыратылады.

Баллдың муғдары төмендегилерге карап анықланады:

  •  шаңарақтың дәраматы
  • турақ жайы бар жоқлығы (ижара яки жеке меншик);
  • мийнет мигрантлары (labour-migration бағдарламасында дизимде турғанлар) болыўы;
  •  айрықша үлги көрсеткен шаңарақлар;
  •  аўыр социаллық жағдайға түсип қалған ҳаял-қызлар;
  •  жалғыз бағыўшысы (ер адам) болған шаңарақ;
  • жетим ҳәм ата-анасының қараўысыз қалған балалар,
  • жалғыз ҳаяллар;
  • шаңарақта майыплығы болған шахслардың болыўы.

Субсидиялар тәртип бойынша балл топлағанларға бериледи.

Караөзек районы Мәмлекетлик хызметлер орайы бөлим баслығы                                                     А.Досымбетов