Сайтка кириу

Пайдалы дереклер


ТЕРБЕНБЕС ЖЕҢИМПАЗ БОЛДЫ

 Өзбекстан Республикасы футбол бойынша II-лигасының Қарақалпақстан Республикасы 27 чемпионатының аймақлық басқышы Қараөзек районында болып өтпекте. Районның спорт майданшасында Шымбай районының “Шахтемир” футбол командасын  Қараөзек районының “Тербенбес” футбол командасы өз майданшасында қарсы алды. Жарысты район ҳəкиминиң орынбасары А.Джуманиязов ашып , спортшыларға табыслар тиледи.  Жарыс кескин беллесиўлерге бай тəризде өткерилип, районымыздың споршылары қарсылас командадан бираз үстин келип, шырайлы ойын көрсетти. Жарыс даўамында Тербенбес командасының ҳүжимшиси Əрман Қəўдеров қарсылас команданың дəрўазасына биринши топты киргизип есапты ашып берген болса, екинши бөлимде Рупат Кемалов мийманлардың дəрўазасына екинщи топты киргизиўге еристи. Солай етип жарыс жуўмағында 2:0 есабында районның “Тербенбес” командасы жеңимпазлықты қолға киритти. Бизде командамыздың ойыншыларына алдағы ойынларында жеңимпаз бола бериўине тилек билдирип қаламыз